Vila de Cruces convoca o concurso de carteis do XXXII Festival de Bandas de Música de Galicia

• Entregaranse premios ás tres categorías –de ata 16 anos, de 17 a 64 anos e a partir de 65 anos– valorados en 300 euros
• O prazo de presentación dos deseños estará aberto ata o 21 de abril no consistorio

Vila de Cruces, 8 de abril de 2026 (Vía Láctea Comunicación).- O Concello de Vila de Cruces convoca o concurso de carteis para o XXXII Festival de Bandas de Música de Galicia, enmarcado nos actos da Festa do Galo de Curral deste ano. Poderán participar todas as persoas empadroadas no Concello.

O concurso establece tres categorías: ata 16 anos, de entre 17 e 64 anos e a partir de 65 anos. O Concello repartirá en total 300 euros en premios, a razón de 75 euros para o primeiro clasificado de cada categoría e outros 75 euros para o deseño gañador que será a imaxe do festival (premio acumulativo) e que se escollerá entre os tres gañadores.

Os participantes deberán entregar o seu traballo en formato A3 vertical e con técnica libre antes do 21 de abril no Concello.