Heredeiros da Crus busca novo cantante para iniciar unha nova etapa

Heredeiros da Crus anunciou a apertura dun proceso para atopar un novo cantante que se incorpore á histórica banda galega. O grupo comunicou a decisión a través das súas redes sociais, despois de meses de reflexión sobre o seu futuro.

A formación recoñece que se trata dun paso importante tras máis de 30 anos de historia, cun repertorio que forma parte da traxectoria vital de varias xeracións de seguidores. Heredeiros asegura afrontar esta nova etapa coa responsabilidade de respectar todo o construído ata o momento e, especialmente, o vínculo co seu público.

A banda busca unha voz con personalidade, presenza no escenario e ganas de formar parte do futuro do grupo, ademais de dispoñibilidade para ensaiar, viaxar e defender en directo as cancións de Heredeiros da Crus.

As persoas interesadas deberán enviar por mensaxe directa un vídeo interpretando “Quero Josar”. O grupo será posteriormente o encargado de contactar cos candidatos que considere axeitados para continuar o proceso.

“Sabemos de onde vimos. Agora toca descubrir cara a onde imos”, conclúe o comunicado, que Heredeiros pecha cunha mensaxe que resume a súa intención de continuidade: “Sempre Heredeiros”