Vedra estrea Nadal co seu mercadiño este domingo na nave da estación

Cómo xa vai sendo habitual esta cita combina comercio de proximidade con cultura, propostas músicais, un ambiente moi agradable e distendido con servizo de cafetería, obradoiros infantís e familiares.

Pero ademais de todo isto o protagonismo centrase na súa PROPOSTA SOLIDARIA que encabezan e coordinan as ANPAS do CPI Plurilingüe de Vedra e do CEIP Ortigueira.

Ambas terán un posto solidario de venda de segunda man e opción de troco, con todo o material que recaden as familias que desexen colaborar con esta iniciativa.

A idea é darlles unha segunda vida a libros, xoguetes, roupa,… Estes exporanse no mercadiño para que outras familias as poidan adquirir ou trocar.

TODO O RECADADO IRÁ DESTINADO PARA “SAVE THE CHILDREN VALENCIA”

PUNTOS PARA A RECOLLIDA: Ambos Centros Escolares e o Centro Sociocultural de Vedra (en horario de tarde) ATA O VENRES 29 DE NOVEMBRO!!

Tamén existirá a opción da aportación económica directa (sen compra nin troco) para a mesma finalidade.

O material recollido que non se venda nin se troca porase tamén a disposición da mesma organización “SAVE THE CHILDREN”

Pero esta non será a única alternativa solidaria, senón que o colectivo “As Mans da Avoa” todas unhas veteranas nesto do bo facer e da solidariedade tamén terán a disposición do público as súas “bolas solidarias”.

Trátase de preciosos adornos de nadal feitos por elas mesmas que poderás comprar no mercadiño e ademais con isto contribuirás coa súa causa solidaria.

Animámosvos a participar… Tanto entregando material para a venda ou o troco como achegándovos o propio domingo 1 de decembro pola Nave da Estación a gozar dunha xornada diferente… E solidaria!!