Vegalsa-Eroski abre en Val do Dubra o seu quinto Eroski Rapid

Vegalsa-Eroski inaugurou onte en Val do Dubra o seu quinto establecemento baixo a bandeira Eroski Rapid, situado na estación de servizo MyG Gasóleos S.L., na parroquia de Paramos.

Esta nova tenda da compañía de distribución alimentaria, situada na estrada AC-406, ten unha superficie de venda de 60 metros cadrados, onde ofrece aproximadamente mil referencias de fabricantes e de marca propia, tanto de alimentación como produtos de limpeza e hixiene persoal e non food. Ademais, conta cun forno propio para ofrecer sempre pan recén feito.

O establecemento abre os 365 días do ano, de sete da mañá a once da noite, cun equipo de catro persoas para a atención ao público. O formato Eroski Rapid permite unha compra rápida e completa para resolver as necesidades urxentes do fogar.