Listeners:
Top listeners:
Radio Líder Santiago – 97.7Fm Santiago de Compostela
today10 abril, 2024
A concelleira do Partido Popular, Nerea Barcia, denunciou hoxe o estado de abandono do núcleo de Moas de Abaixo, na parroquia de Figueiras, onde a falla de mantemento e limpeza das canalizacións de auga están a provocar o seu tamponamento durante os episodios de choiva e en consecuencia incidencias en distintas zonas do lugar.
Para Barcia resulta “inconcebible” que en dúas lexislaturas non fosen quen de arranxar o problema destes veciños e pregúntase se o BNG seguirá o mesmo camiño que os seus socios de CA e PSOE, porque o certo é que despois de nove meses a situación continúa igual.
Nese senso lamentou que a deixadez do BNG chegue ata o punto de que sexan os propios veciños os que se ven na obriga de limpar, por tramos, para non avance mais a problemática, tendo ademais que arranxar eles mesmos a única pista de acceso as súas vivendas, unha senda que se atopa chea de fochancas e de herbas.
“O Concello só limpa ata a entrada do camiño, polo que son os veciños coas súas propias ferramentas os que rematan coa limpeza e arranxo de fochancas tamén para evitar asolagamentos e poder transitar cos seus vehículos, a pesar de pagar os mesmos impostos que o resto de habitantes de Santiago”, destacou.
Escrito por Líder Redacción
asolagamentos compostela denuncia figueiras pp radio lider santiago santiago
El programa matinal de uno de los grandes periodistas de nuestro país. Con todas las noticas de Galicia, España y el mundo; sin cortapisas y con la mayor pluralidad. Entrevistas, declaraciones y las opiniones de los mejores prescriptores.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)