A unidade móbil de doazón de sangue estará o xoves no polígono do Tambre

Imaxe de arquivo

Santiago de Compostela, 7 de xaneiro de 2025 (Vía Láctea Comunicación).- A Asociación Área Empresarial do Tambre (AAET) informa que o vindeiro xoves, 9 de xaneiro, a unidade móbil da Axencia de Doazón de Órganos e Sangue (ADOS) estará no polígono do Tambre para a recollida de doazóns de sangue.

O autobús estará situado na entrada á explanada da Asociación, fronte á antiga fábrica de DONUT, en horario de 9:30 a 14:30 horas e de 15:30 a 21:00 horas. As persoas que se acheguen en coche terán aparcadoiro suficiente en dita explanada ao lado da unidade móbil. A doazón é un proceso moi rápido, dun 15-20 minutos.

Desde a Asociación anímase a todas as persoas, empresarios/as e traballadores/as a que colaborar nesta acción necesaria para manter a actividade asistencial, tratamentos, intervencións cirúrxicas, etc. A Asociación leva colaborando máis de 25 anos con ADOS nestas campañas de doazón na área empresarial.