Irene Suárez, de Teo, proclámase campioa da Liga Galega de Saltos Ponis C

A amazona Irene Suárez, veciña de Teo e integrante do Club Hípico Haras de Compostela, vén de proclamarse campioa da Liga Galega de Saltos na categoría Ponis C.

Este resultado supón un destacado éxito deportivo para a nova xinete e para o club compostelán, premiando o traballo, a constancia e a preparación desenvolvida ao longo da competición.

Irene Suárez pecha así a Liga Galega cun título que confirma a súa boa progresión no salto ecuestre e que sitúa á deportista de Teo entre as protagonistas da tempada na súa categoría.

Desde o Club Hípico Haras de Compostela celebran este novo logro, que pon en valor o talento das novas promesas da hípica galega.