O PSOE compostelán posicionase sobre a limitación do fluxo turístico na cidade

 

 

 

Aitor Bouza, Secretario Xeral dos Socialistas de Santiago, foi o convidado hai poucos días nunha entrevista en Radio Líder Santiago, onde abordou diversos temas de relevancia da actualidade local.

Entre os asuntos tratados, destacan a controvertida decisión do grupo de goberno en Raxoi de limitar o fluxo turístico na cidade compostelá para preservar a súa identidade e mellorar a calidade de vida dos veciños. Bouza tamén falou sobre a importancia da recuperación da empresa municipal de vivenda e a atención ás zonas tensionadas da cidade para garantir un acceso digno á vivenda para todos os cidadáns.

Noutra orde de asuntos, o líder do PSOE en Compostela expresou a súa preocupación polo colapso das urxencias do Complexo Hospitalario Universitario de Santiago (CHUS), urxindo a tomar medidas para mellorar a situación e garantir unha atención sanitaria adecuada para os veciños da zona.

Finalmente, Bouza tamén fixo referencia ao vindeiro congreso do PSdeG, onde se elixirá a Jose Ramón Gómez Besteiro como líder do partido en Galicia. Expresou a súa confianza na capacidade de Besteiro para liderar o partido e a súa esperanza de que o congreso supoña un novo impulso para os socialistas galegos.

A entrevista completa no seguinte enlace.