Listeners:
Top listeners:
Radio Líder Santiago – 97.7Fm Santiago de Compostela
today9 noviembre, 2023
Santiago de Compostela, 9 de novembro de 2023. Unha tomadura de pelo é a ollos do grupo socialista a ac5tude da Xunta de Galicia respecto o aparcadoiro do Hospital Clínico.
Logo de que o goberno local mantivera unha reunión co conselleiro de Sanidade e a de Infraestruturas que rematou sen avances, o portavoz dos socialistas acusa á administración autonómica ter financiación para outros proxectos “que non repercuten na vida das persoas” e “enredar cos asuntos realmente importantes”. Muíños amosouse especialmente crítico coa conselleira de Infraestruturas, Ethel Vázquez e o deputado Borja Verea ao asegurar que “se tiñan un proxecto para acometer un aparcadoiro de mil prazas, o que tiñan que facer é executalo” e “non dilatar algo que, como sempre, os que asumen as consecuencias son os veciños”.
Asegura o edil socialista que ese aparcadoiro poderían financialo cos 11 millóns de euros que se destinaron á senda ciclista entre Milladoiro e San Caetano un proxecto que, recorda, contou cunha forte oposición veciñal, “ou temos que recordar as alegacións presentadas polos veciños afectados?”.
“A Xunta ten 35 millóns para a ampliación das súas oficinas, ten 11 millóns para unha senda que ninguén pediu, ten 2 millóns para máis obras no Monte do Gozo” denunciou o portavoz dos socialistas cri5cando que esas sexan “as prioridades da Xunta” mentres “co aparcadoiro dun hospital público seguen enredando”.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)