Os Reis Magos visitarán todas as parroquias de Brión nun autobús de época

3 de xaneiro de 2024.- Os Reis Magos visitarán Brión este venres 5 de xaneiro nun autobús de época que percorrerá as distintas parroquias entre as 10:15 e as 20:15 horas.

O percorrido e os puntos de encontro serán os mesmos do ano pasado:

• 10:15 h. Local Social de CORNANDA

• 10:45 h. Adro da Igrexa da LUAÑA

• 11:30 h. Adro da Igrexa de VICESO

• 12:30 h. Adro da Igrexa de ONS

• 13:15 h. Parada do transporte escolar de Tembra – BOULLÓN

• 16:30 h. Adro da Igrexa de BASTAVALES

• 17:30 h. Entorno da Capela de SAN SALVADOR • 18:00 h. Campo de San Ramón – O TREMO

• 19:00 h. Adro da Igrexa dos ÁNXELES

• 20:00 h. Contorna da Carballeira de Santa Minia – BRIÓN

En cada parroquia a rapazada poderá falar durante uns minutos cos Reis Magos, entregarlles as súas cartas e pedirlles os seus agasallos.

Melchor, Gaspar e Baltasar irán acompañados por unha comitiva con música de charanga e que repartirá chocolate con rosca a todas as persoas que se acheguen.

A novidade fronte a anos anteriores é que a fin de festa non terá lugar na carballeira brionesa, senón na súa contorna para así evitar calquera tipos de incidencia polo mal estado sanitario dalgunhas das árbores.