Os taxistas do Pino agardan pola resposta do Concello de Santiago para volver a operar no Rosalía de Castro

Os catro taxistas con licenza no Concello de O Pino solicitan ás administracións competentes que lles concedan permisos para recoller pasaxeiros no aeroporto de Santiago-Rosalía de Castro e levalos aos seus destinos. Argumentan que é de xustiza, xa que o 35 % das pistas de aterraxe ocupan terras da parroquia de Pereira, no Pino.

David Balado e Íñigo Blanco, taxistas do Pino, participaron en Radio Líder Santiago para discutir esta situación e enfatizaron a discriminación que sofren ao non poder recoller pasaxeiros no aeroporto, a pesar de que unha parte significativa das instalacións está no seu municipio. «Non nos fan caso porque somos só catro», critican.

O alcalde, Manuel Taboada, propuxo ao Pleno da Corporación aprobar unha declaración institucional en apoio aos taxistas do municipio, que foi aprobada por unanimidade. Esta declaración insta ao Concello de Santiago a autorizar aos taxistas do Pino para que poidan traballar no aeroporto, similar ao funcionamento doutros aeroportos galegos como o de Vigo, onde os taxistas de varios concellos teñen permisos. Taboada destacou que, se Santiago concede os permisos, a Xunta de Galicia non porá impedimentos para que os taxistas do Pino poidan operar no aeroporto.

Balado e Blanco lembraron que durante a década dos oitenta, os taxistas do Pino tiñan dereito a operar en Lavacolla e considera que restaurar este permiso é unha cuestión de xustiza e lóxica.

A entrevista completa no seguinte enlace.