Máis de 30 actuacións converterán Boiro no epicentro da festa este mes de xullo

O alcalde, José Ramón Romero, e a concelleira de Cultura, María Outeiral, presentaron esta mañá o programa das Festas do Verán 2026. O programa de actividades engloba propostas tradicionais, tributos, grandes orquestras e actividades para a mocidade en varios escenarios distintos.

As actividades comezan o venres 3 de xullo co pregón que este ano homenaxea ao comercio tradicional boirense e continuará con actividades en distintos escenarios. Por un lado, da man de Peñas Boiro AC, no Parque da Cachada; actuacións de Suavecito e Capitol na Praza de Galicia e Curi e Soundivan na Praza do Centro Social.

O sábado haberá a tradicional Festa da Malla e bailes durante a mañá; e pola tarde orquestra Finisterre Project e Tributo a Julio Iglesias na Praza de Galicia; e Ortiga na Praza da Terceira Idade.

O domingo o plato forte será o gran espectáculo piromusical na Praia de Barraña; orquestra La Oca Band e La Banda de Ayer na praza de Galicia; e Balbina coa Banda de Música de Boiro na Praza do Centro do Centro Social.

O luns Peñas Boiro AC celebra o luns das peñas no Parque da Cachada; Gramola Gominola na Praza do Centro Social; e orquestras Gran Parada e Origen na Praza de Galicia.

O martes día 7 serán as orquestras Gran Parada e Marbella na Praza de Galicia; e Melidaos e Lumieira na Praza da Terceira Idade. O mércores haberá un gran fin de festa con 9Louro na Praza da Mancomunidade; e orquestras Panorama, América e Satélites na Praza de Galicia. “Todos os dias se reparten as actuacións en distintos escenarios pensando nos distintos públicos, realizamos un programa pensando en todos os gustos e idades”, afirmou María Outeiral.

O alcalde, José Ramón Romero, convidou á veciñanza de Boiro e arredores a desfrutar “deste gran programa de actividades que mestura grandes orquestras, con actuacións de grupos locais e outras propostas para todos os gustos”.

PROGRAMA

Venres 3 de xullo
20.30h – pasarrúas coa charanga BB+
21.00h – orquestra Suavecito na Praza de Galicia
22.00h – pregón
22.45h – orquestra Capitol na Praza de Galicia
23.00h – Curi e Sound Ivan na Praza do Centro Social
23.00h – Remember Fest de Peñas Boiro AC no Parque da Cachada

Sábado 4 de xullo
10.00h – alboradas a cargo de Os Pequenos do Barbansa
12.00h – Festa da Malla e baile con Xilbarbeira e Aroña
22.30h – Orquestra Finisterre Project na Praza de Galicia
23.00h – Ortiga na Praza do Centro Social
00.00h – Tributo a Julio Iglesias na Praza de Galicia

Domingo 5 de xullo
10.00h – alboradas con Ar de Loureda
12.00h – baile con Abeloura, Ballet Folclórico Boirense e Abanqueiro
12.00h – pasarrúas coa Banda de Negreira
13.30h – sesión vermú na rúa peonil con D’Crooners
20.30h – Balbina coa Banda de Música de Boiro na Praza do Centro do Centro Social
22.00h – orquestra La Oca Band na Praza de Galicia
00.00h – espectáculo piromusical na Praia de Barraña
00.30h – La Banda de Ayer na Praza de Galicia

Luns 6 de xullo
10.00h – alboradas con Arume
11.00h – Festa das Peñas no Parque da Cachada
12.00h – cantos de taberna con As da Boina e Mar de Cabo
21.00h – Gramola Gominola na Praza do Centro Social
22.00h – orquestra Gran Prada na Praza de Galicia
00.00h – orquestra Origen na Praza de Galicia

Martes 7 de xullo
10.00h – alboradas con Arume
12.00h – cantos de taberna con A Dorniña e Xoaniñas
12.30h – pasarrúas con Treboada
22.00h – orquestra Marbella na Praza de Galicia
23.00h – Melidaos e Lumieira na Praza do Centro Social
00.00h – orquestra Paris de Noia na Praza de Galicia

Mércores 8 de xullo
10.00h – alboradas con Arume
12.00h – cantos de taberna con Nunca e Tarde e Ventos do Mar
13.00h – sesión vermú na rúa peonil con Duendeneta
21.30h – orquestra Satélites na Praza de Galicia
23.00h – 9Louro na Praza da Mancomunidade
00.00h – orquestra Panorama na Praza de Galicia
02.00h – orquestra América na Praza de Galicia