Os Bombeiros de Arzúa extinguen un incendio nun palleiro

TVG

Os Bombeiros de Arzúa deron por rematada, arredor das 16:00 horas deste xoves, a súa intervención nun incendio que afectou un alpendre no que se almacenaban rolos de herba seca.

Segundo trasladaron os efectivos ao 112 Galicia, as lapas queimaron tanto os rolos de herba almacenados no interior do palleiro como aqueles que foran retirados ao exterior durante os labores de extinción. Ademais, o lume afectou o tellado de uralita da construción.

Tras finalizar a actuación dos bombeiros, os propietarios permaneceron vixiantes ante a posibilidade de que o lume poida reavivarse.