David Agra e Daniel Boo gañan o VI Torneo de Pádel Nocturno de Santa Comba

• Alejandro Blanco e Noel Pais proclamáronse subcampións, mentres que Xoan Leis e Nicolás Vilariño acadaron o terceiro posto
• A concelleira de Deportes, Patricia Val, e a técnica de Deportes, Elisa Capelo, participaron na entrega de premios

Santa Comba. 24-8-2026. David Agra e Daniel Boo proclamáronse campións do VI Torneo de Pádel Nocturno Concello de Santa Comba, celebrado o pasado sábado, 22 de agosto, na pista de pádel do complexo deportivo de Fontenla.

A competición disputouse mediante un sistema de eliminación directa e reuniu durante toda a xornada as parellas participantes nun único cadro de categoría sénior. Tras os primeiros enfrontamentos e as semifinais, David Agra e Daniel Boo conseguiron o primeiro posto ao superar na final a Alejandro Blanco e Noel Pais, que remataron como subcampións.

Na loita polo terceiro e cuarto posto, Xoan Leis e Nicolás Vilariño acadaron a terceira posición, mentres que Brais Calo e Brais García finalizaron o torneo no cuarto posto.

A xornada concluíu coa entrega de premios, na que estiveron presentes a concelleira de Deportes, Patricia Val, e a técnica de Deportes, Elisa Capelo. Todas as persoas participantes recibiron tamén un agasallo pola súa participación no torneo.