O alcalde de Ames súmase ás mostras de apoio aos «valentes» edís socialistas en Santiago

Blas García, de pé, nunha reunión da agrupación socialistas en Ames | Arquivo

O alcalde do Concello de Ames, Blas García e outro dos dirixentes socialistas que veñen de manifestar públicamente o seu apoio e recoñecemento ao grupo municipal socialista de Santiago de Compostela, que o pasado luns votou a favor da ordenanza para regular as vivendas de uso turístico (VUT), desafiando así a imposición da executiva local do partido. Unha mensaxe de apoio aos seis edis socialistas en Raxoi ao que tamén se suma o alcalde do Concello de Padrón, Anxo Arca.

Nunha entrevista este mércores en Radio Líder Santiago, Blas García asegurou que os e as edís socialistas foron «coherentes e responsables», pero sobre todo «valentes». O rexedor destacou que non se lle pode pedir a ninguén que vote en contra de algo polo que loitou e defendeu meses atrás xa que, estes concelleiros e concelleiras foron, xunto a Xosé Sánchez Bugallo, os que promoveron a primeira modificacion do Plan Xeral para reorganizar as VUT.

García asegura que participa neste debate por dous motivos. O primeiro por ser o alcalde limítrofe con Santiago, o concello máis grande da comarca onde goberna o PSOE e o segundo máis grande da provincia da Coruña. O segundo é que todo o que pasa en Santiago afecta directamente aos veiños e veciñas de Ames. E engade que non deixa de ser un tema que afecta ao conxunto de Galicia por tratarse dunha polémica que xorde na capital do país.

O alcalde critica a actitude tomada por Aitor Bouza, Secretario Xeral dos Socialistas en Santiago xa que «o ordeno e mando non entra dentro da política socialista». Pide «cordura e dialogo» para que a executiva local e grupo municipal «poidan sentarse e falar» xa que «nunca se sacou nada positivo cando empezan a aflorar as palabras expediente ou Estatuto», sentencia. «Cando alguén ten que impoñer algo pola forza non é a forma máis atinada de lograr éxitos», e finalizou a súa intervención na radio local de Santiago e comarca coa seguinte reflexión; «se o que se votaba non era tan importante como se dixo, por votar un formulario merece a pena todo o que veu detrás».

A entrevista completa no seguinte enlace.