Falece un camioneiro ao caer da tremoia do seu camión en Silleda

Os servizos sanitarios nada puideron facer pola súa vida.

Minutos antes das 19:30 horas deste xoves, un particular chamou ao 112 Galicia para alertar de que un camioneiro acababa de caer desde a tremoia do vehículo, nun polígono industrial situado en Taboada, Silleda. Desde os primeiros momentos, o alertador sinalaba que a persoa podía estar falecida.

Desde o Centro Integrado de Atención ás Emerxencias solicitouse a intervención de Urxencias Sanitarias de Galicia-061, da Garda Civil e da Policía Local de Silleda.

Unha vez no punto, os equipos de emerxencias só puideron confirmar o falecemento da persoa.