Listeners:
Top listeners:
Radio Líder Santiago – 97.7Fm Santiago de Compostela
today4 abril, 2024
04/04/2024 As novas actividades de formación presencial con persoal da hostalaría do protocolo para a abordaxe das violencias sexuais e LGTBIfóbicas nos espazos de ocio nocturno serán o 16 de abril na Casa de Asociacións de Benestar Social, situada en Salgueiriños, e na modalidade en liña desenvolveranse ata o 21 de abril.
Este protocolo, impulsado a través do Centro de Información ás Mulleres de Santiago de Compostela (CIM), vai inserido na campaña Troula Segura e xorde como resposta á demanda das asociacións profesionais de hostalaría da cidade, conscientes da importancia de dotar o persoal traballador nestes espazos de ocio nocturno dunha ferramenta de apoio contra as violencias sexuais e LGBTfóbicas.
Trátase de que os espazos de ocio nocturno sexan axentes activos e comprometidos, con capacidade para actuar e xerar cambios a prol da erradicación destas formas de violencias machistas. Así mesmo, tamén se procura o fomento dunha cultura de tolerancia cero desas condutas para garantir o desfrute de todas as persoas desde a liberdade, a igualdade e a seguridade, baixo o prisma dunha perspectiva integradora e de respecto dos dereitos de todas as persoas.
Esta campaña de Troula Segura conta cun protocolo, cunha guía operativa e con folletos de divulgación que se poden descargar na web cimcompostela.gal/troula-segura.
Escrito por Líder Redacción
charlas compostela formacion LGBTI ocio protocolo radio lider santiago santiago
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)