O festival ‘Encantos en Compostela’ volverá encher Santiago de maxia do 2 ao 4 de outubro

Santiago volverá encherse de ilusión coa segunda edición do festival de maxia ‘Encantos en Compostela’, que se celebrará do 2 ao 4 de outubro do 2026. O festival, que chega á súa terceira edición, busca ofrecer unha experiencia para todos os públicos, combinando entretemento, participación e sorpresa.

A concelleira de Capital Cultural, Míriam Louzao, animou a veciñanza a gozar desta proposta, acompañada por Óscar Fernández e Eloy Fernández, por parte da organización.

‘Encantos en Compostela’ é unha das propostas beneficiarias das axudas do Concello de Santiago para a realización de actividades culturais do sector profesional, coa finalidade de diversificar a programación da cidade e estimular o tecido cultural local.

O festival sae do centro histórico e espállase cara aos barrios e parroquias de Compostela para crecer en accesibilidade. E faino tamén en inclusión e solidariedade, con actuacións nas residencias de maiores para achegar ilusión a residentes e visitantes.

O programa inclúe obradoiros, maxia para o público familiar, maxia de cerca e maxia soldaria. O programa completo pode consultarse en encantosencompostela.com.