Tráxica morte dun participante de 65 anos durante un trail en Boiro

Este domingo celebrouse en Boiro un trail de elevada dificultade que discorría pola serra do Barbanza, cun total de 24 quilómetros de percorrido. O evento, que inicialmente se presentaba como unha xornada festiva e deportiva, viuse ensombrecido pola traxedia do falecemento dun dos corredores, un home de 65 anos que presuntamente sufriu unha parada cardíaca.

A primeira en chegar ao punto foi unha ambulancia da organización, seguida por unha ambulancia do 061, Protección Civil de Boiro e a Garda Civil. Tamén se mobilizou un helicóptero medicalizado co obxectivo de trasladalo ao hospital, pero, lamentablemente, non se puido facer nada por salvarlle a vida.

Como consecuencia, a organización, que formaba parte da Copa Xunta de Galicia de Carreiras por Montaña, decidiu suspender a entrega de premios.