Xuventude abre a inscrición nos cursos de Primeiros Auxilios dos Orzamentos Participativos

01/10/2024 Xa está aberta a inscrición nos cursos de Primeiros Auxilios dirixidos a mozos e mozas de ata 30 anos, organizados desde a Concellaría de Xuventude. Trátase dunha actividade enmarcada nos Orzamentos Participativos, posto que foi unha das dez propostas máis votadas pola mocidade.

Os cursos de primeiros auxilios, que serán impartidos por Cruz Vermella, desenvolveránse en catro sesións. A primeira delas será o próximo 8 de outubro na Casa das Asociacións de Cornes; e seguiranlle outras sesións os días 24 e 28 no CSC do Ensanche. O programa pecharase o 14 de novembro, no Centro Xove de Creación Cultural da Almáciga.

Os cursos desenvolveranse en horario de 16 a 21 horas, e ao remate entregarase un diploma acreditativo.

A inscrición pódese facer a través do mail dptoxuventude@santiagodecompostela.gal