Vedra reúne a máis de 300 persoas na XXXIII Romaría dos Maiores

O concello de Vedra celebrou este sábado a XXXIII edición da Romaría da 3ª Idade, unha cita xa consolidada como un dos encontros máis especiais para as persoas maiores do municipio.

Máis de 300 asistentes participaron nesta xornada de convivencia, marcada polo ambiente festivo, a emoción e as ganas de compartir. A romaría converteuse, un ano máis, nun punto de encontro para os maiores de Vedra, que desfrutaron dunha celebración na que non faltaron a boa comida, a bebida e a música.

A cita destacou tamén polo seu carácter social e humano, reforzando os lazos entre veciños e veciñas nunha xornada pensada para homenaxear e poñer en valor á terceira idade do municipio.