A Mancomunidade do Camiño Francés estreita lazos coa Republica Dominicana

Arzúa, 5 de abril de 2026,- A Presidenta da Mancomunidade, Begoña Balado Conde, acompañada dos Alcaldes e representantes de Paradela, Portomarín Monterroso, Palas e O Pino, reuníronse co presidente do centro galego na República Dominicana, D. Antonio Sánchez.

O obxectivo deste encontro, foi o de explorar vías de colaboración para promover o Camiño de Santiago Francés entre os habitantes desta isla.

A República Dominicana, ata fai poucos anos era un país asociado ó turismo barato e cun limitado desenvolvemento económico, pero nos últimos anos sufriu unha transformación que a convirteu nun país atractivo para inversións extranxeiras que fixo da súa economía, unha das máis estables de América Latina.

Queremos que o Camiño Francés siga sendo a principal vía xacobea, así que non só imos promocionar o noso Camiño en países que xa envían peregrinos, senon que imos dar un paso máis, e ensinar todo o noso potencial alá onde non se nos coñece, afirma Begoña Balado, Presidenta da Mancomunidade.