Listeners:
Top listeners:
Radio Líder Santiago – 97.7Fm Santiago de Compostela
today2 mayo, 2024
Gonzalo Muíños en Radio Líder Santiago
O portavoz socialista di “comprender” a situación pero pide transparencia, lembrándolle á alcaldesa as súas reclamacións cando non tiña o bastón de mando: “pregúntome onde está a reunión de portavoces con presencia técnica que a señora Sanmartín pediría se estivera na oposición”
Recoñece que se trata dun contrato “difícil e complexo” e pide transparencia para coñecer a nova situación na que se atopa o contrato e o efecto que estas alegacións poden ter nos prazos
Santiago de Compostela, 2 de maio de 2024. “Lamentamos pero comprendemos a situación”. É a reacción do Grupo Socialista ante o novo retraso que se presenta no horizonte para a licitación do servizo de transporte urbano. Unha nova que chega logo de que dúas empresas presentaran alegacións ao estudo de costes durante o período de exposición ao público. Ante isto, Gonzalo Muíños recoñece que se trata dun contrato “difícil e complexo” e pedirá unha reunión co goberno local “para que nos expliquen a nova situación na que se atopa o contrato” así como o efecto que as alegacións presentadas poden supoñer nos prazos dados ata o de agora.
O portavoz dos socialistas asegura estar nun ánimo “propostivo”, aínda que se pregunta “onde está a reunión de portavoces con presencia técnica que a señora Sanmartín pediría se estivera na oposición”. Con esta afirmación, os socialistas volven a poñerlle o espello á alcaldesa tirando de hemeroteca, lembrando que ante os atrancos que se atoparon no anterior proceso de licitación, o impulsado polo goberno socialista, a actual rexedora esixira unha xuntanza destas características.
Lembra tamén o edil socialista que Compostela Aberta chegara a reclamar a convocatoria do Pacto pola Mobilidade para dar explicacións sobre o estado no que se atopaba a licitación: “agora que sofren os atrancos da xestión pública, quedan calados” critica Muíños que, recalca, “xa non hai leccións de transparencia, nin teóricas nin prácticas”.
A pesar da discrepancia política, Gonzalo Muíños asegura seguir “con vontade de colaboración para sacar adiante a renovación do servizo” reclamando “información e transparencia”.
Escrito por Líder Redacción
autobuses compostela licitacion noticias politica psoe radio lider santiago raxoi Reunion santiago
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)