Padrón anuncia a licitación do uso das parcelas para as atraccións na Pascua de 2024 a 2027

Padrón.23-1-2024.- O Boletín Oficial da Provincia (BOP) publicou o luns 22 de xaneiro o anuncio do Concello de Padrón de licitación das autorizacións de uso de parcelas do dominio público municipal para a instalación de atraccións feirais no Campo do Souto, Paseo do Espolón e rúas próximas durante as festas de Pascua nos exercicios 2024 a 2027.

A convocatoria está aberta á atraccións mecánicas e eléctricas, tómbolas e xogos de azar, postos de venda de comidas e/ou bebidas, roupa, complementos, bisutería, marroquinería, música, artesanía e similares, ademais da maquinaria agrícola para a exposición que se desenvolve coincidindo coas festas.

O prazo para a presentación de ofertas é de 30 días naturais, contados a partir da publicación do anuncio no BOP.

Toda a documentación desta licitación pode consultarse na páxina web municipal, no apartado Servizos – Licitación Postos de Pascua (nesta ligazón).