Rematado o mural de emblemas locais do teatro principal da Estrada

A Estrada, 9 de xuño de 2026.- O artista Pablo Loyola completou este mediodía o mural de emblemas locais nunha das paredes laterais do Teatro Principal.

A obra inclúe a figura do escritor Manuel García Barros (este ano conmemórase o 150 aniversario do seu nacemento) no espazo no que cada ano se entrega o Premio de Novela que convoca o Concello da Estrada e que leva o seu nome.

A composición incorpora tamén outros elementos destacados do patrimonio estradense, caso da casa consistorial, a igrexa parroquial de San Paio, o Pazo de Oca ou a ponte medieval que cruza o Ulla e separa A Estrada do xa coruñés Concello de Teo.

Este mural de gran formato súmase a o feito por Loyola na Rúa 56, centrado na Rapa das Bestas de Sabucedo.

Con esta iniciativa, o Concello aposta pola arte urbana como ferramenta de dinamización cultural, mellora da paisaxe urbana e posta en valor destes representativos emblemas locais. A actuación conta coa implicación económica da Deputación de Pontevedra a través de Turismo Rías Baixas.