Listeners:
Top listeners:
Radio Líder Santiago – 97.7Fm Santiago de Compostela
today26 febrero, 2024
A recollida de impropios nos contedores pasou do 33,5% do 2019 ao 30% do 2023 e cada vez recóllense máis quilogramos no colector de envases lixeiros (contedor amarelo)
A alcaldesa, Lucía Calvo de la Uz, reuniuse con técnicos de Ecoembes para coñecer de primeira man os últimos datos sobre reciclaxe no municipio
Teo (A Coruña), 26 de febreiro de 2024.- A alcaldesa do Concello de Teo, Lucía Calvo de la Uz, reuniuse con técnicos de Ecoembes -entidade ambiental sen ánimo de lucro centrada na mellora do reciclaxe e do ecodeseño dos envases en España- para coñecer de primeira man os últimos datos sobre reciclaxe no municipio. Así, os esforzos que o Goberno Local de Teo está a facer para mellorar a recollida selectiva de residuos están a dar os seus froitos, mellorando os datos neste sentido.
Neste senso, segundo o último informe de Ecoembes, a recollida de impropios nos contedores pasou do 33,5% do 2019 ao 30% do 2023. De feito, no municipio recóllense cada vez máis quilogramos no colector de envases lixeiros (contedor amarelo) ata o valor de 400.400 kg/hab (un 3,4% máis que no 2019).
Cos datos na mesa, a alcaldesa subliñou que se trata de boas novas para o medio ambiente e para a economía local, “xa que coa boa separación do lixo e un bo uso do colector de envases lixeiros, redúcese o custo da recollida do colector xenérico” matizou a rexedora.
Por iso, a alcaldesa agradeceu a colaboración e o esforzo da veciñanza e anímaos a seguir facendo un uso correcto dos contedores repartidos por todo o municipio.
Escrito por Líder Redacción
comarca lixo medioambiente radio lider santiago recollida teo
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)