Aitor Bouza ocupa o posto número 4 da candidatura do PSdeG ao Parlamento Galego

O secretario xeral dos socialistas en Santiago ocupa o posto número 4 da candidatura do PSdeG ao Parlamento Galego: “poñemos o noso grao de area para conseguir o mellor resultado nas próximas eleccións”

Bouza cargou ademais contra Alfonso Rueda con motivo da ‘marea plástica’ que inunda as costas galegas de pellets acusándoo de inacción e de mentir

Santiago de Compostela, 10 de xaneiro de 2023. O secretario xeral dos socialistas en Santiago, Aitor Bouza ocupará o cuarto posto da candidatura de José Ramón Gómez Besteiro á Xunta pola provincia da Coruña. Unha decisión que foi ratificada este martes no Comité Nacional e que, segundo Bouza, demostra “o apoio do partido á Agrupación de Santiago, a súa dirección local e a toda a súa militancia”.

Bouza asegura que a militancia compostelá está ac vada, “vímolo nas mobilizacións que fixemos nos últimos meses” e amósase confiado en que se conseguirá “o mellor resultado nas próximas eleccións autonómicas”: “José Ramón vai ter aquí, en Santiago, o máximo apoio e o máximo respaldo para conseguir o cambio da Xunta”.

Con disposición de poñer o seu “grao de area” desde a Agrupación de Santiago contribuíndo para que “Compostela conte e a sociedade compostelá se vexa reflexada”. Segundo explica Bouza trátase dunha oportunidade “de ouro” para que “todas as cuestións que preocupan ás veciñas e veciños de Santiago cheguen a todas as institucións, tamén ao Parlamento Galego”: “Tiñamos ao mellor candidato e agora temos tamén o mellor equipo”.

Así as cousas, desde as filas socialistas comprométense a traballar “desde xa”. Esta mesma semana, anuncian que se constituirá o Comité Electoral para impulsar “desde xa o traballo e levar achegar todas as propostas que a sociedade galega precisa”. Un comité que, adiantan ademais, estará “aberto a toda a militancia”.

“Non culpamos á Xunta da marea plástica, pero si de inacción e de mentir”

Nunha rolda de prensa este mércores, Bouza amosouse especialmente crítico coa xestión da Xunta da crise medioambiental que está a provocar a chegada de pellets ás costas galegas: “sabían desta cuestión dende o 13 de decembro e ninguén entende por que non fixo nada”.

Acusa ao Partido Popular de só achegar “mentiras e máis mentiras” e denuncia que a sociedade galega “non pode permitirse volver a vivir un episodio que temos tan fresco na nosa memoria colectiva.

Desde o Partido Socialista non culpamos á Xunta de Galicia desta marea plás ca, pero si que lle botamos a culpa da súa inacción e das súas men ras” asegura Bouza que reivindica o traballo dos miles de voluntarios que estes días se están achegando ás costas para intentar “reverter unha catástrofe como a que estamos a vivir” fronte a “inacción da Xunta”.

Solucións inmediatas ante as deficiencias en San Lázaro

Esta fin de semana, durante a celebración do partido da SD Compostela houbo un fallo no subministro de electricidade que impediu que o club puidese colocar as pantallas led publicitarias que lle permiten ter uns ingresos “básicos e importantes”. O secretario xeral dos socialistas denunciou esta situación instando ao bipartito a abordar solucións urxentes para solucionar esta incidencia de maneira inmediata.