Atopan morto un veciño de Santiago no seu domicilio de Entremuros

• Os bombeiros accederon á vivenda tras o aviso dunha persoa que non tiña noticias del

A falta de noticias dun veciño de Santiago de Compostela levou outra persoa a contactar este domingo coa Policía Local. Tras o aviso, os servizos de emerxencia acudiron á súa vivenda, situada na rúa de Entremuros, onde foi atopado sen vida.

Segundo a información facilitada pola Policía Local, a intervención tivo lugar arredor das 15.00 horas. Os bombeiros accederon ao interior do inmoble e localizaron o falecido.

Posteriormente, un médico forense desprazouse ata o domicilio e certificou o falecemento.