Listeners:
Top listeners:
Radio Líder Santiago – 97.7Fm Santiago de Compostela
today30 noviembre, 2023
Arzúa, 30 de novembro de 2023.- A Concellería de Igualdade do Concello de Arzúa organiza o “OBRADOIRO DE NADAL: ÁS VOLTAS”, dirixido a crianzas nadas entre 2013 e 2019, ambos inclusive. O obradoiro, que será de balde, realizarase en dúas quendas entre os días 27 ao 29 de decembro de 2023 e entre o 2 e o 5 de xaneiro de 2024, en horario de 10:00 a 14:00.
“Ás Voltas é un proxecto que busca, sobre todo, crear un espazo para as crianzas arzuás no cal promover un programa lúdico e educativo, onde nenas e nenos xoguen en igualdade e creen con perspectiva de xénero. Por ese motivo, este proxecto fomenta valores como a igualdade de xénero, a inclusión de todas as diferenzas como fonte de riqueza, a xestión emocional dende a comprensión da mesma e o reforzo positivo das diferentes personalidades” explicou Lucía López, Concelleira de Igualdade.
Os obxectivos do obradoiro son:
• Crear un espazo de seguridade para as crianzas favorecendo valores como a igualdade de xénero, a inclusión e o respecto.
• Achegar ferramentas para coñecer diferentes países do mundo a través do xogo para propiciar a inclusión coñecendo diferentes diversidades.
• Visibilizar o papel das mulleres pioneiras rompendo estereotipos asociados aos roles de xénero existentes.
• Favorecer espazos de xestión emocional, donde falar de sentimentos e emocións para poder xestional de forma efectiva.
• Proporcionar unha alternativa educativa e lúdica para as familias durante as vacacións escolares de nadal.
O obradoiro conta con prazas limitadas (25), polo que se establecen as bases que se anexan para a selección de participantes.
Para máis información cómpre acudir ao Centro de Información ás Mulleres do Concello de Arzúa (Rúa Santiago, 2) ou chamar ao 981 501 101.
O prazo para inscribirse será do 1 ao 11 de decembro, preferibelmente a través da Sede Electrónica do Concello de Arzúa.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)