O Pino modificará o convenio con Augas de Galicia para a construción da depuradora

• Modifícanse os importes das anualidades de 2023 e 2024 para axustalos ao ritmo dos traballos  
• O alcalde informa que está previsto que as obras estean rematadas no vindeiro mes de maio   

O Pleno do Concello do Pino aprobou onte por unanimidade a modificación do convenio con Augas de Galicia para reaxustar os importantes das anualidades de 2023 e 2024 destinadas á construción da nova depuradora de Arca.

O importe total das obras mantense, pero cambian as asignacións económicas deste ano e do vindeiro, que quedan establecidas en 748.083,03 euros para 2023, e 1.417.744,14 euros para o exercicio 2024. O cambio vén motivado polo ritmo dos traballos de construción

As previsións apuntan a que no vindeiro mes de maio estea rematada a nova depuradora, segundo informou o alcalde, Manuel Taboada Vigo, á oposición no último pleno ordinario deste ano.