Boiro presenta un orzamento que supera os 19 millóns de euros

O goberno local presenta para o seu debate e aprobación no vindeiro Pleno que se celebrará o 30 de abril o Orzamento municipal para o ano 2026 que ascende aos 19.136.000€.

O orzamento segue a mesma liña que os aprobados nos últimos anos, un presuposto que cubre todas as obrigas municipais, que mellora en servizos e que reduce a débeda. “Cando entramos no goberno no ano 2019 a débeda estaba no 42,15%, pechamos o ano 2025 cun 17.90% e imosseguir traballando para que chegue a cero”, recoñece o tenente de alcalde e concelleiro de Facenda, Luís Ruiz.

No relativo ao capitulo das inversión, o orzamento deste 2026 inclúe unha partida para pavimentados e arranxo de vías en varios lugares de todo o termo municipal; inversión na mellora da rede de saneamento e abastecemento municipal; unha partida para o arranxo de centros sociais; inversións en mellora das infraestruturas deportivas; así como mellora de parques infantís entre outras.