O BNG de Brión organiza unha palestra sobre Palestina coa participación de Ánxela Gippini

• O acto, que estará presentado pola concelleira nacionalista Marta Romero, terá lugar o mércores 23 de setembro ás 20:30 horas no Antigo Local Sindical Agrario de San Salvador de Bastavales

Brión, 21 de setembro do 2026.- O BNG de Brión organiza o próximo mércores, 23 de setembro, unha palestra sobre a situación de Palestina, coa participación de Ánxela Gippini Pose. O acto estará presentado pola concelleira do BNG Marta Romero e terá lugar ás 20:30 horas no Antigo Local Sindical Agrario de San Salvador Bastavales.

A palestra pretende achegar á veciñanza a realidade que se está a vivir en Palestina e, en particular, a situación na Faixa de Gaza, así como coñecer de primeira man o traballo de solidariedade e mobilización que se está a desenvolver desde o noso país.

A voz de Ánxela Gippini é habitual nas accións en apoio ao pobo palestino. Membro de Galiza por Palestina, é portavoz no noso país da Global Sumud Flotilla. Trátase dunha iniciativa civil e non violenta, con delegacións de 44 países, que busca romper o bloqueo de Gaza e abrir un corredor humanitario.

Durante o encontro abordaranse tamén os obxectivos e o funcionamento deste movemento internacional, así como a participación galega nas diferentes iniciativas de solidariedade con Palestina.

Convocatoria

— Data: mércores, 23 de setembro, ás 20:30 horas

— Lugar: Antigo Local Sindical Agrario de Bastavales (Brión). Localización: https://maps.app.goo.gl/vhKr7qL1W992vUmeA

— Relatora: Ánxela Gippini Pose (Galiza por Palestina)

— Presenta: Marta Romero (concelleira do BNG de Brión)