A Policía Local de Santiago incorpora 15 novos efectivos

A alcaldesa, Goretti Sanmartín, e o concelleiro de Mobilidade e Convivencia, Xan Duro, déronlle hoxe a benvida aos 15 axentes que veñen de tomar posesión dos seus postos na Policía Local de Santiago. Con estas incorporacións, o corpo suma 137 axentes.

Os 15 policías, entre eles tres mulleres, tomaron posesión despois de cumprir o seu periodo de prácticas na Policía Local. As e os novos axentes incorporaranse á unidade operativa, de maneira que farán traballo de patrulla en rúa.

A alcaldesa e o concelleiro de Mobilidade e Convivencia déronlle a benvida esta mañá aos novos policías, aos que lle agradeceron a súa vontade de servizo público e o feito de teren elixido Santiago como destino, “unha cidade cunhas características moi especiais, cunha importante carga de traballo para as forzas de seguridade, e máis ainda ás portas do Ano Santo.