O Pasabodeghiñas 2026 abre a festa en Vedra coa participación dos centros escolares

O Pasabodeghiñas 2026 abriu na mañá deste venres, 23 de outubro, o programa festivo coa participación do alumnado do CRA Boqueixón Vedra Neira Vilas, do CPI Plurilingüe de Vedra e do CEIP Ortigueira.

Os máis pequenos percorreron varios espazos e exposicións do recinto que mañá se converterá nun auténtico fervedoiro de xente. Ademais, gozaron da súa propia Ruta Gaiteira, celebraron un magosto e puxeron o broche á xornada coa actuación de Cé Orquestra Pantasma, incluída na Rede Cultural 2026 da Deputación da Coruña en colaboración co Concello de Vedra.

Esta primeira cita foi o aperitivo dunha celebración que congrega arredor de 4.000 persoas, cun aforo limitado. A música continuará a ser unha das grandes protagonistas no Campo da Festa, onde o público poderá gozar dos concertos en directo.